Lirohen nga pagesa e shërbimeve kadastrale disa kategori në Kosovë

Kryeministri Albin Kurti ka njoftuar se Qeveria në mbledhjen e sotme ka aprovuar Udhëzimin Administrativ për Tarifat për Produktet, Shërbimet Kadastrale Gjeodezike dhe Regjistrimit të Pronave.

“Përveç unifikimit të tarifave për të gjithë shërbimet dhe ofrimin e tyre në formë digjitale, ky udhëzim i ri gjithashtu parasheh lirimin nga pagesa për shërbimet dhe produktet kadastrale të këtyre kategorive shoqërore: të gjithë studentët nga Kosova dhe ata që vijnë nga vendet tjera me qëllime të përgatitjes së seminareve dhe punimeve të diplomës; nënat vetëushqyese; personat me asistencë sociale, përkatësisht gratë në asistencë sociale; personat me aftësi të kufizuara dhe viktimat e dhunës në familje dhe të mbijetuarat/it e dhunës seksuale gjatë luftës”.

Udhëzimi Administrativ përfshinë këto kategori:

🔹 të gjithë studentët nga Kosova dhe ata që vijnë nga vendet tjera me qëllime të përgatitjes së seminareve dhe punimeve të diplomës;

🔹 nënat vetëushqyese;

🔹 personat me asistencë sociale, përkatësisht gratë në asistencë sociale;

🔹 personat me aftësi të kufizuara;

🔹 viktimat e dhunës në familje;

🔹 të mbijetuarat/it e dhunës seksuale gjatë luftës.