Lutfi Haziri: E pafalshme që as pas dy dekadash nuk u zbardh vrasja tinëzare e Smajl Hajdarajt

Nënkryetari i parë i LDK-së, Lutfi Haziri, në 20-vjetorin e vrasjes së deputetit të kësaj partie, Smajl Hajdaraj, ka thënë se është e pafalshme që as pas dy dekadash nuk është zbardhur kjo vrasje.

Postimi i plotë i Lutfi Hazirit:

20 vjet më parë u vra pabesisht deputeti i Kuvendit të Kosovës, ish-komandanti i UÇK-së i brigadës “136 Rugova”, Smajl Hajdaraj.

E pafalshme që as pas dy dekadash, organet e drejtësisë nuk e ndriçuan këtë vrasje tinëzare.

Ne nuk do të ndalemi së kërkuari drejtësi për zbardhjen e kësaj vrasje dhe për vrasjet tjera të pas luftës.

Lavdi e përjetshme jetës dhe veprës së deputetit të popullit, Smajl Hajdaraj!