Lutfi Haziri: Situata është nën kontroll, të prekurit janë në vetizolim

Lutfi Haziri, kryetar i Komunës, ka thënë se situata është nën kontroll, pas nëntë rasteve të reja të konfirmuara me Covid-19, me ç`rast Komiteti emergjent për menaxhimin për preventimin e përhapjes së virusit mbajti takim të jashtëzakonshëm, në orët e vona, transmeton Mediafokus.info.

Në këtë takim është vlerësuar që situata është nën kontroll, derisa personat e prekur, të cilët janë nga qyteti, janë në vetizolim.

Kreu i Komunës, Lutfi Haziri, ka thënë se është domosdoshmëri që të shtrëngohen masat, pas rasteve të fundit.

Ai ka apeluar qytetarët që të mos dalin pa nevojë, sepse në këtë mënyrë, potencialisht mund ta rrezikojnë vetëveten, familjen, lagjen dhe qytetin./mediafokus.info/