Mes viktimave në Austri është edhe Lea Bajrami nga Tërpeza e Vitisë

Ministri i Brendshëm i Austrisë ka konfirmuar se në mesin e viktimave që mbetën të vrarë në sulmin në një shkollë të mesme në Graz, janë gjashtë vajza dhe tre djem.

Sipas mediave të huaja, autori i cili ka kryer vetëvrasje pas sulmit, ishte një 21-vjeçar nga zona e Grazit.

Zyrtarët kanë bërë të ditur se edhe 12 persona të tjerë kanë mbetur të plagosur, ndërsa hetimet për motivin e ngjarjes vijojnë ende.

Në mesin e 6 vjzave që humbën jetën nga ky sulm terrorist, është edhe Lea Bajrami nga fshati Terpezë i komunës së Vitisë.

Kancelari austriak Christian Stocker ka shpallur një periudhë zie kombëtare tre-ditore që nis nesër, me një minutë heshtje në orën 10:00, në nder të viktimave të masakrës. Ndërkohë, edhe presidentja e Kosovës Vjosa Osmani ka ngushëlluar popullin austriak për viktimat. Ajo ka thënë se Kosova qëndron me Austrinë në këtë kohë të dhimbshme, ndërsa uroi për shërim të plotë të të lënduarve nga këto të shtëna.