‘Mik me virusin’, 15 herë rezulton pozitiv

“Ëndrra ime është të ritakoj familjarët e mi, vetëm kaq dua”, thotë italiani Milko Mieles, i cili ka ngelur në karantinë më gjatë se tre muaj, shkaku se ka rezultuar pozitiv në Covid sa herë e ka bërë testin deri tani.

Italiani jeton i izoluar që nga 17 prilli, kur rezultoi pozitiv me Covid-19 për herë të parë. Deri më sot, ai ka kryer 15 testime dhe në asnjërin prej tyre nuk ka dalë negativ, duke mbetur i bllokuar në qendrën e Kryqit të Kuq në Linate, pranë Milanos.

Edhe pse nuk ka simptoma, Mieles vazhdon të rezultojë i infektuar dhe rrezik për përhapje infeksioni.

“Shikoj pacientë që hyjnë dhe dalin nga këtu, vetëm unë nuk po dal. Jam pa simptoma, por virusi nuk ikën, më ka bërë shok më duket”, tha me shaka Mieles për “Corriere della Sera”.

Burri nga Ferrara, baba i dy fëmijëve 21 dhe 23 vjeç, thotë se komunikon me ta vetëm nëpërmjet video-telefonatave.