Ministrja e Drejtësisë, Albulena Haxhiu në pritje të fëmijës së tretë

Ministrja e Drejtësisë, Albulena Haxhiu, pritet që shumë shpejt të bëhet nënë për herë të tretë. Haxhiu, muajve në vijim do ta sjellë në jetë fëmijën e saj të tretë, duke zgjeruar familjen e saj të ngushtë.

Deputetja e disa legjislaturave, që u vu sërish në krye të Ministrisë së Drejtësisë, Albulena Haxhiu, duket se ka kaluar disa muaj të shtatzënisë, shkruan express

Kjo u vërejt sidomos në fotografitë e publikuara përmes së cilave njofton se sot është ritakuar me zyrtarët e ministrisë që udhëheq.

“Ministrja Haxhiu e përgëzoj stafin për punën që kanë bërë, marrë parasysh situatën pandemike dhe njëherit ka ofruar përkrahjen e saj dhe bashkëpunim të vazhdueshëm për realizimin e aktiviteteve të parapara në Ministrinë e Drejtësisë. Po ashtu Ministrja Haxhiu ka theksuar se mbetet e përkushtuar në trajtimin e sfidave të agjencioneve dhe departamenteve dhe shtoi se do të bëhen përpjekje këmbëngulëse që shërbyesit civil të trajtohen në mënyrë të barabartë dhe që brenda këtij institucioni të vjen në shprehje drejtësia dhe meritokracia”, thuhet ndër të tjera në njoftimin e Ministrisë së Drejtësisë.