Moti: Sot e nesër me diell, nga e hëna vranët

Mot i ngrohtë, i kthjelltë dhe me diell do të jetë edhe në fundjavë. Javën e ardhshme pritet ndryshim i motit. Mund të ketë edhe reshje shiu.

Masat e ngrohta ajrore që kanë depërtuar mbi rajon dhe fushat e presionit të lartë, që vazhdojnë të dominojnë mbi hapësirën e kontinentit evropian, favorizojnë mot të kthjellët e të ngrohtë deri në ditët e fundjavës mbi vendin tonë.

Ditën e diel pritet shtim i vranësirave, ndërsa ditën e hënë ka mundësi edhe për reshje lokale shiu.

26.03 – Kthjellët dhe me diell.

27.03 – Më ngrohtë, kryesisht me diell. Në mbrëmje vranësirat do të shtohen.

28.03 – Kryesisht me vranësira, e priten mundësi edhe për reshje lokale shiu.

Temperaturat do të luhaten nga 0C deri 5C, përkatësisht nga 15C – 18C, derisa ditën e hënë pritet të zbresin edhe në 12C.