“Një dorëzim në Spokan” vjen sonte në Teatrin e Gjilanit

Sot, e hënë, 7 tetor, nga ora 20:00, në Teatrin e Gjilanit vjen repriza e shfaqjes “Një dorëzim në Spokan” nga Martin McDonagh, regjisor Blendi Arifi.

Kjo vepër intriguese, e njohur për kombinimin e saj unik të humorit të zi, do të sjellë një përvojë të paharrueshme për të gjithë adhuruesit e teatrit.

Mos humbisni rastin për të parë këtë shfaqje që eksploron thellësitë e natyrës njerëzore përmes personazheve të saj komplekse dhe ngjarjeve të papritura.

“Një dorëzim në Spokan” takon kokë më kokë personazhet dhe historitë e tyre të turbullta.

Është tregim për historitë sipërfaqësore të njerëzve që i bëjnë ata të huaj.

Regjia: Blendi Arifi

Aktorë: Alban Shahiqi, Florent Salihu, Djellza Dema, Blendi Arifi

Skenografia dhe kostumet: Qëndresë Isufi.