Nuk ka kufizim të lëvizjes, qeveria e ka heq “orën policore”

Qeveria e vendit ka hequr “orën policore” për ta rikthyer lëvizjen e plotë, krahas masave tjera lehtësuese që ka miratuar dje për mbrojtje nga COVID-19.

Ekzekutivi me vendimin e mbrëmshëm ka hequr kufizimin e lirisë së lëvizjes.

Prej mbrëmë qeveria ka shfuqizuar vendimin e mëhershëm ku qytetarët nuk lejoheshin të qarkullonin pas orës 22:30 deri në orën 05:00, të mëngjesit.

Njëkohësisht, të gjithë qytetarët e huaj që hyjnë në Republikën e Kosovës dhe që vijnë nga vendet me rrezik të lartë duhet të kenë testin PCR, me përjashtime.