Nxënës nga komunitetet vizitojnë kampin e paqeruajtësve turq në Prizren
Në kuadër të aktiviteteve policore me komunitet, Njësia Sektoriale dhe Komunitetit nga Stacioni Policor në Gjilan, në bashkëpunim me KFOR-in turk dhe Drejtorinë komunale të Arsimit kanë realizuar projektin “Së bashku drejt synimit për të ardhmen”, ku 34 nxënës multi-etnik nga shkollat fillore kanë vizituar kampin ushtarak të KFOR-it turk “Sulltan Murat” në Prizren.
Gjate kësaj vizite, nxënësit kanë pasur aktivitete të ndryshme rekreative si lojëra e gara të ndryshme sportive.
Të gjitha këto aktivitete janë realizuar nën shoqërimin e mësimdhënësve nga shkollat e tyre, përfaqësues nga DKA-ja dhe nga zyrtarë policorë nga Njësia Sektoriale dhe Komunitetit të Stacionit Policor Gjilan, thuhet në njoftim.