Panik në aeroplanin Cyrih – Prishtinë: Pasagjeri hap derën e emergjencës
Sot në mëngjes, në një fluturim nga Cyrihu për në Prishtinë, pasagjerët kanë parë një lloj tymi që kishte rënë papritur në aeroplan dhe ka shkaktuar panik.
Por, në fakt bëhej fjalë për mjegull.
Aeroplani nga Cyrihu për në Prishtinë ishte pothuajse gati për t’u nisur kur papritur shpërtheu paniku në bord, thonë për 20minuten.ch dy pasagjerë që ishin ndodhur aty.
Puna ka shkuar aq larg sa pasagjerët kanë hapur dyert e emergjencës dhe një derë ka rënë nga avioni.
Chair Airline ka konfirmuar incidentin edhe për albinfo.ch.
“Duke supozuar se ishte tym, një pasagjer hapi derën e urgjencës sipër krahut të aeroplanit, dhe kështu shkaktoi automatikisht rrëshqitjen në kushtet e emergjencës, gjë që shkaktoi konfuzion”.
Mirëpo ai që shqetësoi pasagjerët nuk ishte tym, por avull nga lëngu i ngrirjes së akullit.
Mjegullnaja u përhap përmes sistemit të ventilimit.
Se si hyri lëngu i ngrirjes në sistemin e ventilimit po sqarohet më në detaje.
“Dëshirojmë të theksojmë se në asnjë moment nuk ka pasur rrezik as për 132 pasagjerët, as për ekuipazhin dhe as për avionin”, thonë në kompaninë ajrore.
Pasagjerët u informuan në përputhje me rrethanat, u pajisën me kupona me vlerë dhe për ta u rezervuan fluturime të tjera.
