Polici kroat: Nuk kam parë aksident më të rëndë

Një autobus me targa të Kosovës, që siç duket i përket rajonit të Gjakovës (07), është aksidentuar sot në Kroaci, ku si pasojë kanë vdekur 10 persona, 30 janë lënduar dhe disa të tjerë ende janë të bllokuar brenda autobusit.

Përveç policisë, në vendin e ngjarjes janë parë edhe pjestarët e ekipit të zjarrëfikësve, ambulanca. 30 persona janë dërguar në spital.

Njëri nga udhëheqësit e policisë në vendin e ngjarjes ka rrëfyer për rastin.

“Unë kam qenë në shumë aksidente, por ky është me të vërtetë i rëndë dhe mendoj se është ndër aksidentet më të rënda që kam parë. Autobusi ishte plot, por nuk mund të them nëse kishte fëmijë mes të vdekurve ose të plagosurve. Sipas udhëtarëve, kishte mbi 60 persona në autobus”, tha Galic.

“Situata është shumë e vështirë dhe ka ende numër të madh të pasagjerëve që iu kërcënohet jeta brenda në autobus”, tha një zëdhënës i policisë.

“Shkaqet e aksidentit mund të merren me mend tani për tani, por asgjë definitive nuk mund të thuhet”, thonë autoritetet kroate.