Policia kërkon ndihmën e qytetarëve për identifikimin e dy personave në Pejë

Hetuesit policorë nga Drejtoria për Hetimin e Trafikimit me Narkotik – Njësia në Pejë, në koordinim dhe me autorizim të prokurorit të shtetit, kanë publikuar fotografitë e disa personave të dyshuar për përfshirje në veprimtari të paligjshme me narkotikë.

Sipas njoftimit, të dyshuarit kërkohen për veprat penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge” si dhe “Kultivimi i bimës së hashashit, shkurres së kokainës ose bimëve të kanabisit”.

Policia e Kosovës u ka bërë thirrje qytetarëve për bashkëpunim, duke ftuar që kushdo që ka informacione rreth identitetit apo vendndodhjes së këtyre personave, të kontaktojë menjëherë organet e rendit.