Presidenti kërkon zbatimin e rekomandimeve kundër COVID-19: Situata është shqetësuese

Presidenti i vendit, Hashim Thaci, ka vlerësuar se situate e fundit me infeksione me COVID-19 është shqetësuese, transmeton Mediafokus.info.

Ai ka ka kërkuar nga qytetarët që t’I zbatojnë rekomandimet e institucioneve shëndetësore.

Postimi i plotë i presidentit Thaci:

Qytetarë të dashur,

Në javën e fundit kishim rritje të madhe të numrit të të prekurve me virusin COVID-19. Gjendja aktuale është tejet shqetësuese dhe kërkohet kujdes maksimal nga të gjithë.

Ju bëj thirrje që t’i zbatoni në mënyrë rigoroze masat për parandalimin e përhapjes së virusit COVID-19 dhe t’i respektoni rekomandimet e institucioneve shëndetësore. Duke i zbatuar masat dhe rekomandimet e institucioneve shëndetësore secili qytetar ruan veten, të afërmit e tij dhe gjithë shoqërinë.

Si president i vendit shpreh falënderim të madh për gjithë personelin shëndetësor, i cili po e jep maksimumin në këtë betejë të përditshme për ta shpëtuar çdo jetë njeriu. Po ashtu, u shpreh ngushëllime të sinqerta të gjitha familjeve që kanë humbur të afërmit e tyre nga ky virus vdekjeprurës. HTH