Ramiz Kelmendi pjesë e listës së PDK-së

Ushtruesi i detyrës së kryetarit të Partisë Demokratike të Kosovës, Enver Hoxhaj, ka njoftuar se Ramiz Kelmendi do të jetë pjesë e listës së PDK-së në zgjedhjet e 14 shkurtit.

Hoxhaj e bëri këtë të ditur përmes një shkrimi në llogarinë e tij në Facebook, shkruan Mediafokus.info.

“Nga Peja, me mikun tim, Ramiz Kelmendi. Njëri ndër sipërmarrësit më të suksesshëm në vend, do të jetë pjesë e listës fituese të Partisë Demokratike të Kosovës.

Në vizionin tonë për rimëkëmbjen e shtetit, Kosova, sot, ka më së shumti nevojë për profesionistë të dëshmuar në fushën e ekonomisë. Ndihma për bizneset e prekur nga pandemia dhe hapja e vendeve të reja të punës do të jenë prioriteti kryesorë i Partisë Demokratike”.

Prandaj, unë dhe të gjithë në PDK, jemi jashtëzakonisht të lumtur që Ramizi ka vendosur të na bashkohet në detyrën tonë të re. Ramiz, faleminderit për besimin dhe mirë se vjen në mesin tonë”, shkruan Hoxhaj./Mediafokus.info/