Rrëfim rrëqethës: Kam qenë shtatzënë, i humba dy fëmijë pas dhunimit nga Vukotiq

Në Pressing të T7 ajo ka treguar se kur ishte dhunuar nga Vukotiq, kishte qenë shtatzënë, në pritje të dy djemve.

Ajo thotë se për këtë ishte në dijeni pas përfundimit të luftës kur edhe e kishte kuptuar se i kanë vdekur të dy fëmijët që po priste t’i sjellte në jetë.

“Kam qenë shtatzënë, duke pritur fëmijë, dy djem. Pas përfundimit të luftës e kam kuptuar që kam qenë duke pritur fëmijë, e kam kuptuar që më kanë vdekur të dytë”, ka thënë ajo.

Tutje ajo tregoi për momentin kur u ribashkua me familjen e saj. Ajo shpjegon se ata e kuptuan çfarë kishte ndodhur nga gjendja në të cilin ishte kthyer në shtëpi.

“Unë e gjeta familjen, në shtëpinë ku ishim, shkova në gjendje, gjendja flitke vetë s’kisha nevojë me fol kurrgjë hiç, gjithçka tregonte pamja ime. Më është ofru ndihma mjekësore, në një shtëpi private, se s’kanë guxuar me ekzistu mjekët. Falë zotit qëllimin që e kam pasë e kam arritur”, ka treguar ajo.