Shefqet Krasniqi: M’dhimbset Shkurte Fejza që s’është fetare aq sa duhet
Hoxha Shefqet Krasniqi dje me rastin e 16 vjetorit të Pavarësisë së Kosovës ka folur për sakrificat gjatë periudhës së luftës.
Mes tjerash, ai foli edhe për artin, kryesisht muzikën që shërbeu edhe si frymëzim gjatë asaj periudhe.
Padyshim që ndër këngëtaret të cilat dhanë kontribut për frymën patriotike është këngëtarja, Shkurte Fejza.
“Shkurta në përgjithësi tekstet i ka të mira, e mua më dhimbset kjo Shkurta shumë se duket me kanë një grua e mirë, që nuk është edhe fetare aq sa duhet, ndoshta një ramazan e ka, por pak është. Do të doja shumë që Shkurta si një figurë shumë e njohur e kombit tonë, me qenë edhe fetare sepse edhe Shkurta ka me vdek si unë, edhe hiç larg se ka se i ka bë do vjet të mira, e kur të vdes pastaj fama nuk të kryen punë oj motër, leku nuk të kryen punë, asgjë pos veprave të mira”, u shpreh Krasniqi.
