Shkoi edhe një Bord, kësaj here i RTK-së

Bordet e ndërmarrjeve dhe kompanive publike në Kosovë po bien njëri pas tjetrit. Kuvendi i Kosovës ka nisur votimin për shkarkimin e anëtarëve të Bordit të Radio Televizionit të Kosovës. Votimi po bëhet për secilin anëtar veç e veç.

Anëtarët Sali Bashota dhe Agron Gashi janë shkarkuar me 64 vota për, asnjë kundër dhe një abstenim.

Me po kaq vota janë shkarkuar edhe anëtarët Lirim Geci dhe Ilir Bytyqi.

Deputetët kanë votuar edhe për shkarkimin e Albinot Malokut dhe Bajram Mjekut.

Me shumicë të votave janë shkarkuar edhe anëtarët Petrit Musolli dhe Fadil Miftari.

Ndryshe, votimin për shkarkimin e anëtarëve të Bordit të RTK’së veç e veç e propozoi kryeparlamentari Glauk Konjufca, meqenëse, siç tha, përgjegjësia është individuale.