Shkurtohen radhët e pritjes në vendkalimet kufitare

Në pikat kufitare ka rënë fluksi i udhëtarëve që hyjnë e dalin nga Kosova, mbase për shkak se numri më i madh i mërgimtarëve tashmë janë kthyer në shtetet evropiane, ku jetojnë e punojnë.

Në Merdare, pritjet për të hyrë në Kosovë nuk zgjasin më shumë se pesë minuta, ndërkaq për të dalë nga Kosova pritjhet shkojnë deri në 15 minuta.

Nëpër pikat e tjera kufitare pritjet për të hyrë në Kosovë janë më së shumti deri në 5 minuta.

Situatë e njëjtë është edhe për të hyrë në Kosovë. Udhëtarët as aty nuk po presin më gjatë se pesë minuta.

Ndryshe, kujtojmë se gjatë ditëve të fundit ka pasur pritje të gjata në dalje të pikave kufitare.

Aty udhëtarët kanë pritur më shumë se gjashtë orë për të dalë nga Kosova.