Shpëtohen katër shtetas të Kosovës, ishin bllokuar në malin e Galiçicës
Ministria e Punëve të Brendshme (MPB) kumtoi se janë shpëtuar katër shtetas të Kosovës, të cilët ishin bllokuar në borë në malin Galiçica.
“Më 03.03.2023 në SPB Manastir është denoncuar se në parkun nacional Galiçica në borë janë ngujuar disa shtetas të huaj. Nëpunësit policorë dhe ekipet e Njësitit Territorial të Zjarrfikësve Resnjë dhe nga shërbimi i rojave Galiçica kanë dalë në terren dhe në orën 19.50 personat janë gjetur, janë tërhequr nga bora dhe në mënyrë të sigurt janë udhëzuar drejt vendikalimit kufitar Stenje”, kumtoi MPB
Ministria shton se bëhet fjalë për katër shtetas të Kosovës të cilët kanë pasur automjet pasagjerës “folksvagen pasat” me targa të Kosovës./ts
