Shqiptari e qëllon me thikë ish-gruan, plagoset edhe djali

Një 51-vjeçar, i cili plagosi me thikë ish-gruan e tij, është arrestuar nga policia italiane. Mediat italiane raportojnë se bëhet fjalë për shtetasin Hysen Aliko, i cili u arrestua menjëherë pas ngjarjes.

Gruaja 40-vjeçare ishte duke u kthyer për në shtëpi, kur burri e ndaloi në rrugë dhe e qëlloi dy herë me thikë.

Britmat e gruas kanë alarmuar qytetarët, ndërsa në vendin e ngjarjes mbërritën edhe dy fëmijët e çiftit, të cilët tentuan të neutralizonin babain e tyre.

Gjatë tentativës për të shpëtuar nënën, mbeti i plagosur edhe djali.

Policia mori dëshmitë e banorëve për të rindërtuar skemën e ngjarjes. Po ashtu u sekuestruan edhe kamerat e sigurisë në zonë.

Prej një muaji burrë e grua ishin të divorcuar.