Tetovari dyshohet se e mbajti në mënyrë të paligjshme bariun nga Shqipëria

Një çoban nga Shqipëria është intervistuar nga policia në Tetovë, nën dyshimin se ishte mbajtur në mënyrë të paligjshme nga pronari i deleve.

Më 22.05.2021 në ora 15.30 në Njësinë Policore Galatë janë thirrur personat R.R. (53) nga fshati Toplicë, pronar i një kopeje me dele dhe Xh.H. (46) nga Republika e Shqipërisë i cili ishte i punësuar si bari i deleve, shkruan TetovaSot.

Në lidhje me pretendimet për mbajtjen e paligjshme të personit Xh.H. nga ana e punëdhënësit R.R. është zhvilluar një bisedë zyrtare në të cilën Xh.H., ka mohuar që ai të ishte mbajtur në mënyrë të paligjshme dhe se nuk kanë pasur mosmarrëveshje. SPB Tetovë është duke ndërmarrur masa shtesë për zbardhjen e plotë të rastit.