Thaçi: Kurti ta pranojë nominimin për mandatar ose ta refuzojë

Presidenti i Kosovës, Hashim Thaçi, ka pritur në takim ish-shefin e Misionit të OSBE-së në Kosovë, ambasadorin William Walker.

Thaçi, edhe sot, ka kërkuar që sa më shpejt të krijohen institucionet, ku ka thënë se është kërkesë e ndërkombëtarëve dhe e qyetarëve të Kosovës.

“Është në vullnetin e spektrit politik që ta përmbyll këtë proces të suksesshëm të zgjedhjeve të 6 tetorit, që sa më shpejtë që është e mundur ky vullnet.

Unë do ta respektoj Kushtetutën dhe Ligjin e Kosovës dhe autoritetin tim të plotë si president i vendit që buron prej Kushtetutës së Kosovës.

Natyrisht se tash i mbetët kryetarit të partisë fituese që ta bëjë hapin dhe në këtë drejtim ka qenë edhe takimi ynë së bashku me kryetarin e partisë së parë, ku ka premtuar se në ditët në vijim do ta pranon edhe kuptimin juridik përgjegjësinë e mandatarit për themelimin e qeverisë.

Unë e kam shkruar nomimin e tij si kryeministër dhe ai nominim është ende është në zyrën e tij dhe shpresoj se Kurti do të relfektojë sepse është në interes të tij dhe elektoratit të tij ose në të kundërten duhet ta deklarojë refuzimin”, ka thënë Thaci.

Presidenti i Kosovës Hashim Thaçi falënderoi Ambasadorin Ëalker që sipas tij i dëshmoi botës masakrat që kishte kryer Serbia në Kosovë.

“Ardhja e juaj për 21 vjetorin e masakrës së Recakut dhe ardhjet e juaja të shpeshta në Kosovë kho dëshmon edhe dashurinë tuaj dhe përkushtimin tuaj për Kosovën e lirë dhe të pavarur dhe për Kosovën e orientimit.

Gjithmonë mirënjohje dhe përulësi për fjalët e juaja dhe për të vërtetat qe ia prezantove botës për masakrat që ka kryer Serbia në Kosovë”, ka thënë ai./gazeta scaner/