Trishtuese: Betejën me COVID-19 e humb një 16-vjeçar nga Vitia

Në prag të  një vjetorit të pandemisë, në mëngjesin e të enjtes e ka humbur betejën me COVID-19 një 16-vjeçar nga Vitia, raporton Mediafokus.info.

Lajmin e ka konfirmuar për Mediafokus.info infektologia nga Spitali Regjinal i Gjilanit, Dr. Selvete Shurdhani.

“I ndjeri ka pasur ndryshime të mëdha në mushkri dhe temperaturë të vazhdueshme. Na ka tmerruar humbja e tij. Unë e kam pranuar para 7-8 ditëve, ka qenë në gjendje të rëndë dhe është trajtuar deri  sot nën mbikëqyrje maksimale nga i tërë stafi i Repartit të Infektivës. I shpreh ngushëllimet më të sinqerta familjes”, ka thënë Shurdhani për Mediafokus.info.

Ky është rasti i parë në Kosovë në moshë të re që nuk i mbijeton virusit.

Deri tani, betejën me COVID-19 brenda një viti e kanë humbur  1,674 kosovarë./Mediafokus.info/