Trusti mund të jipet për turshitë

Deputeti i PDK-së, Bekim Haxhiu, ka qenë i ftuar në emisionin “Frontal” në t7, ku ka folur për projektligjin për tërheqjen e një përqindje të kursimeve nga Trusti.

Sipas tij, “kërkesa e qytetarëve” për tërheqjen e Trustit është lënë me qëllim për sesionin vjeshtor.

“Qytetarët kanë mbledhur nënshkrime të cilat janë deponuar më 15 korrik në Kuvend. Projektligji parasheh që të bëhet tërheqja e mjeteve nga 10 deri në 30 per qind. Sipas ligjit për nisma legjislative, Kuvendi këto nënshkrime i dërgon në KQZ dhe brenda 15 ditëve duhet të bëhet verifikimi i tyre. Sot jemi në ditën e 22-të prej që janë dorëzuar nënshkrimet dhe nuk ka konfirmim nga KQZ. Ka ndodhur një shtyrje e kërkesës së qytetarëve qëllimisht që të mbetet për sesionin vjeshtor, pra që të shtyhen afatet sa më shumë”, tha Haxhiu.