Ulet numri i vdekjeve dhe rasteve të reja me COVID-19 në Kosovë

Shifrat e vdekjeve me COVID-19 në Kosovë kanë shënuar ulje ditëve të fundit, sikurse edhe rastet e reja. Sipas të dhënave nga Instituti Kombëtar i Shëndetësisë Publike, gjatë 24 orëve të fundit, betejën me virusin e kanë humbur 6 pacientë.

Në 24 orët e fundit janë dhënë 9.146 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 1.176.154 doza të vaksinës.

Deri më sot 441.622 qytetarë janë vaksinuar me dozën e dytë.

Nga 2.319 testime, 48 qytetarë kanë rezultuar pozitiv me virusin COVID-19.

Gjatë 24 orëve të fundit, janë shënuar 6 raste të vdekjes.

Sot janë shëruar 903 qytetarë, derisa numri i përgjithshëm i të shëruarve është 147.347.

Në total numri i rasteve aktive është 8.903.