Vdes një person në Novobërdë pas rrokullisjes me traktor

Një person ka vdekur në fshatin Bushincë të Novobërdës, pas rrokullisjes me traktor.

Sipas njoftimit të Policisë së Kosovës, i ndjeri ishte duke bartur dru në pyll.

“Raportohet se viktima mashkull kosovar, ka ndërruar jetë pasi që i njëjti është rrokullisur me traktor derisa ishte duke bartur dru në pyll. Në vendin e ngjarjes kanë dalë njësit përkatëse, ndërsa ekipi mjekësor ka konstatuar vdekjen e tij”, thuhet në raportin 24- orësh.

Me vendim të prokurorit, trupi i pa jetë është dërguar në IML për obduksion. (foto ilustrim)