Vitia nderon dr. Fadil Zukën, dy vite më parë e humbi betejën me COVID-19
Institucionet komunale të Vitisë dhe kolegët e profesionit e kanë nderuar dr. Fadil Zukën, i cili para dy vjetësh e humbi betejën me COVID-19, raporton Mediafokus.info.
Drejtoresha e QKMF-së atje, Dr. Vjoclla Kadolli, e ka vlerësuar lartë veprën e Dr. Fadilit.
“Veprat e tij, sjelljet, profesionalizmi, korrektësia me kolegë e pacientë, dashuria e veqantë për profesionin , humanizmi dhe atdhedashuria janë virtyte që do ta bëjnë të paharrueshëm për të gjithë ne”, ka shkruar ajo.
Postimi i plotë i Kadollit:
Sot u bën dy vite që kur u nda nga ne dr.Fadil Zuka.
Së bashku me kolegë, institucionet komunale dhe me familjarë të dr.Fadilit nderuam veprën dhe jetën e tij.
Dr. Fadili është mjeku i parë në Kosovë që ka humbur jetën nga COVID-19.
Është mjeku që çdo familje vitiase e ka njohur për humanizmin, zemërgjërësinë dhe profesionalizmin.
Dr.Fadili ka punuar edhe në kohët më të vështira në shoqatën”Nënë Tereza”, ka ndihmuar dhe ka ofruar ndihmën mjekësore edhe në UÇK.
Veprat e tij, sjelljet, profesionalizmi, korrektësia me kolegë e pacientë, dashuria e veqantë për profesionin , humanizmi dhe atdhedashuria janë virtyte që do ta bëjnë të paharrueshëm për të gjithë ne.
I përjetshëm qoftë kujtimi për të!
Me respekt,
Vjollca Kadolli-Halili
Drejtoreshë e QKMF-së në Viti
