Vlora Dumoshi thotë se viktima e ministres Hajdari është vajzë

Rasti i aksidentit të ministres Hajdari duket se nuk është prezantuar saktë para publikut. Vlora Dumoshi thotë se viktimës po i fshihet gjinia: Ajo ka goditur një vajzë.

Deputetja e Lidhjes Demokratike të Kosovës, Vlora Dumoshi e ka akuzuar policinë e Kosovës se nuk e kanë treguar saktë gjininë e fëmijës në raportin e tyre për aksidentin, ku ministrja e Industrisë, Rozeta Hajdari e goditi me veturë një fëmijë.

Ajo ka bërë publik lajmin për raportin e policisë duke shkruar vetë disa informacione që i di.

“Policia…Viktima është vajzë e lindur në vitin 2012. Cili është shkaku që edhe gjinin nuk e tregoni drejt?

I uroj shërim të shpejt. Rozeta Hajdari, gënjeshtra në raste të tilla është mëkat!”, ka shkruar ajo.