Yllka Lohaj: Është magjike të jesh një shpirt i bukur dhe i lirë

Kanë filluar përgatitjet për organizimin e Miss Universe Albania & Kosovo 2021, spektakël ky që mbahet prej vitit 2014.

Ndonëse në fillim kjo ngjarje organizohej vetëm për Shqipëri, megjithatë që nga viti 2018 është përfshirë edhe Miss Universe Kosovo.

Ky event i veçantë i bukurisë shqiptare, organizohet nga Eduart Deda, i cili edhe këtë vit po mbanë edicionet e parapërgatitjeve të përzgjedhjes së vashave që do të jenë konkurrente në edicionin 2021.

Sipas organizatorit, pavarësisht se do të jenë dy konkurse në një spektakël të vetëm, në këtë ngjarje do të përzgjidhen dy fituese që do të përfaqësojnë shtetet përkatëse, pra Shqipërinë dhe Kosovën në Miss Univers.

Pjesë e konkurrimit të këtij spektakli të bukurisë, kësaj radhe do jetë edhe 20 vjeçarja Yllka Lohaj nga Ferizaj.

Si studente e mjekësisë, drejtimi i Infermierisë, Yllka aktualisht punon në Ordinancën e Logopedisë “Dialogos” në Ferizaj, ku kohën më të madhe e kalon me fëmijët që kanë çrregullime në të folur dhe probleme neuro-zhvillimore.

“Janë pikërisht këta fëmijë që më kanë bërë të kuptoj se të jesh ndryshe, nuk do të thotë të mos jesh pjesë e shoqërisë”, shprehet Yllka e cila ëndërr të saj e ka pasur që një ditë të jetë pjesë e garës për kurorën e bukurisë shqiptare, por pse jo edhe më tej.

I pëlqen kreativiteti dhe që nga vegjëlia ka qenë pjesë e shtëpive të modës, ku edhe ka marr pjesë në sfilata të ndryshme.

I pëlqen natyra dhe poezia, për faktin se nëna e saj poete, Dije Lohaj, ka ndikuar që Yllka të jetë adhuruese e krijimtarisë artistike.

“Në spektalin e Miss Univers Albania & Kosova, kam vendosur që të sfidoj të bukurën edhe përtej kornizave që kam qëndruar deri më tani. Prandaj, kam vendosur të jem pjesë e këtij eventi të bukurisë, për të treguar se sa magjike është të jesh një shpirt i bukur dhe i lirë”, shprehet Yllka Lohaj. /Agron Abazi/