Zejtaria tradicionale i dha gjallëri çarshisë së Gjilanit gjatë shekujve

Shkruan: Ismajl Veliu

Zejtarët e Gjilanit, e në veçanti tenexhepunuesit, kanë qenë pjesë e rëndësishme e jetës ekonomike dhe qytetare të Gjilan.

Në kohët e hershme, para zhvillimit të industrisë moderne, mjeshtrit e teneqes punonin me përkushtim duke prodhuar enë kuzhine, kazanë, korita, gypa për ujë, mangallë dhe shumë pajisje të tjera të nevojshme për familjet dhe zejtarët e qytetit.

Punishtet e tyre ndodheshin kryesisht në çarshinë e vjetër, ku dëgjohej vazhdimisht tingulli i çekanëve mbi llamarinë.

Me duart e tyre të arta dhe përvojën e trashëguar brez pas brezi, tenexhepunuesit krijonin produkte cilësore që shiteshin jo vetëm në Gjilan, por edhe në fshatrat përreth të Anamoravës.

Historia e qytetit lidhet ngushtë me zhvillimin e çarshisë dhe zejtarive tradicionale që i dhanë gjallëri qytetit gjatë shekujve.

Sot, kujtimi për tenexhepunuesit mbetet një pjesë e çmuar e trashëgimisë së vjetër qytetare.

Ata ishin simbol i punës, mjeshtërisë dhe përkushtimit, duke lënë gjurmë të pashlyeshme në historinë e zejeve të Gjilanit.

Shumë gjenerata u rritën duke parë këta mjeshtër në punë, të cilët me mund e djersë ndërtuan emrin dhe traditën e zejtarëve gjilanas.