Zyrtare: Rifat Latifi jep dorëheqje nga pozita e ministrit të Shëndetësisë
Rifat Latifi ka vendosur ta lë pozitën e Ministrit të Shëndetësisë. Akoma nuk ka deklarim nga Qeveria, por Telegrafi ka publikuar letrën e ministrit. Aty thuhet se dorëheqja vjen pas “shumë reflektimesh”.
Dorëheqja e tij ndodhi pas kritikave të vazhdueshme për keqmenaxhim të shëndetësisë kosovare.
Latifi u emërua ministër në nëntorin e vitit të kaluar, pasi Arben Vitia u largua nga ky post, për të garuar për kryetar të Prishtinës.
Ministri i Shëndetësisë është kirug që ka vepruar për shumë vjet në Shtetet e Bashkuara të Amerikës.
