Selami Osmani – Bezi ishte dhe mbetet ikona më e madhe e sportit në Gjilan

Selami Osmani – Bezi ka qenë ikonë e sportit për disa vite rresht. Për gjithë kontributin e tij, Selamiu është nderuar në Gjilan me çmimin “Nderi i Qytetit”.

Në kohët më të vështira, kur mbijetesa jonë njerëzore dhe kolektive ishte e rrezikuar, Selamiu dhe të tjerët dhanë kontribut të madh në organizim e veprimtarive sportive, kulturore e atdhetare.

Bezi, përveç që ishte njëri ndër ikonat e kohës gjilanase dhe përtej, ai ishte një punëtor i madh e sakrifikues i pashoq.

Veprimtaria e tij humane dhe njerëzore ishte vlerë sublime e tij.

Selami Osmani Bezi kishte bërë revolucion me “bardhë e kaltrit” e Dritës, duke i bërë ata kampion.

Emri i tij frymëzon edhe sot skuadrën “bardhë e kaltër”.

Selamiu do të mbetet në kujtesën tonë si frymëzim për të arritur suksese kulmore.

Ai personifikonte njeriun e shpresave dhe idealeve kombëtare.

Me rastin e 12-vjetorit të vdekjes, dedikim për Selamiun ka bërë Ahmet Isufi, ish-komandant i ZOK-ut.

‘Qe 12 vjet na mungon fizikisht, miku ynë i shtrenjtë, humanisti, afaristi dhe kryefjala e sportit gjilanas, Selami Osmani (Daku).

Do ta kujtojmë përherë si njeriun energjik e shpirtmadh, triumfator e motivues për suksese e fitore.

I përjetshëm kujtimi për mikun e madh, Selami Osmanin!‘/Mediafokus.info/