Djali rrah dhe tenton ta djẹgë nënën, kërkon para nga babai për ta vrạrë
Numri i rasteve të dhunës në familje ka marrë përmasa shqetësuese në vendin tonë.
Kështu ka ndodhur të enjten në Pejë, ku një grua kërkoi ndihmën e Policisë, raporton Gazeta Sinjali.
Siç merr vesh Sinjali, rasti ka ndodhur në një banesë në rrugën “Myrvete Maksutaj”, ku dyshohet se një 30-vjeçar ka ushtruar dhunë ndaj nënës së tij.
Sipas dëshmisë së viktimës të dhënë para hetuesve policorë, djali i saj ka tentuar që t’ia fus kokën në një enë gatimi ku po përgatitej ushqimi dhe aty ka eskaluar gjithçka.
I riu përveç që e mbylli nënën në banesë, ka kërkuar nga babai i tij para në këmbim që ta vras atë – duke i shkaktuar shqetësim e frikë të madhe, raporton Sinjali.
Policia ka arritur të intervenojë dhe i njëjti është arrestuar e shoqëruar në stacion policor, ndërsa viktima është dërguar në spital.
Ndaj të dyshuarit, Prokurori i Shtetit ka urdhëruar masën e ndalimit policor dhe inicimin e hetimit.
