Erdhi nga Beogradi për ta vizituar babain 73-vjeçar, e gjen atë pa shenja jete në shtëpi në Dragash
Një ngjarje e rëndë është regjistruar mëngjesin e së shtunës në fshatin Krstec të Dragashit, ku një 73-vjeçar është gjetur pa shenja jete brenda shtëpisë së tij, raporton Sinjali.
Burimet e Sinjalit bëjnë me dije se viktima është Ismail Sulejmani, 73-vjeçar, i cili jetonte i vetëm.
Rasti është zbuluar nga djali i tij, i cili kishte ardhur nga Beogradi, ku aktualisht jeton, pikërisht për ta vizituar të atin.
Sipas informacioneve që ka Sinjali, ai kishte mbërritur rreth orës 07:00 dhe, pasi kishte hyrë në shtëpi, e kishte gjetur babanë të shtrirë në krevat, pa shenja jete.
Në vendngjarje kanë dalë policia dhe ekipi mhekësor.
Prokurori i Shtetit ka urdhëruar që rasti të iniciohet “Hetim i vdekjes” dhe trupi i pajetë të dërgohet në IML për obduksion.
Në këtë fazë nuk dihet shkaku i vdekjes, ndërsa rrethanat pritet të sqarohen pas ekzaminimit mjekoligjor dhe përfundimit të veprimeve hetimore.
