Ky është ndryshim më i ri që sapo e bëri Facebook

Rrjeti social Facebook e bën më të lehtë për përdoruesit për të kontrolluar News Feed, dmth faqen kryesore dhe algoritmin falë të cilit shfaqen postimet tuaja në të.

Midis disa veçorive të reja të prezantuara nga Facebook, ekziston një që ju lejon të çaktivizoni renditjen e përmbajtjes me kushte algoritmike që ju shfaqet kur shtypni butonin “Home”, transmeton Telegrafi.

Në azhurnimin e ri, funksioni i shfaqjes së përmbajtjes së botuar më së fundmi është gjithashtu i pozicionuar më mirë.

Kjo ka ekzistuar më parë, por ishte “varrosur” mirë midis disa opsioneve të tjera dhe shpesh as nuk funksiononte si duhet.

Filtrat “Favorites” dhe “Recent” tani janë vendosur në një pozicion shumë më të dukshëm – pikërisht në krye të faqes kryesore.

Sipas The Verge, këto risi vijnë me një “por” të madh – nëse nuk përdorni “Favorites” ose “Recent” për shtatë ditë, filtrat do të zhduken, kështu që do t’ju duhet t’i riaktivizoni ato nga menuja.

Përditësimi i ri aktualisht është i disponueshëm vetëm për aplikacionin Facebook Android për Android dhe pritet që së shpejti të jetë i disponueshëm për iOS.