Faleminderit Kosovë: 200 mijë euro u transferuan sot për Bujanocin

Mjetet e ndara nga qeveria e Kosovës për sanimin e dëmeve nga vërshimet në komunën e Bujanocit, janë transferuar sot në destinacionin e duhur. Kryetari i Komunës, Nagip Arifi ka falënderuar qeverinë e Kosovës. 

“FALEMNDERIT KOSOVË!

Sot, realizuam edhe një transfer financiar me vlerë prej 200.000 euro nga Qeveria e Republikës së Kosovës.

Ky transfer u realizua duke u bazuar në kërkesën tonë drejtuar kryeministrit Hoti për sanimin e dëmeve nga vërshimet e fundit që përfshinë komunën tonë.

Mjetet e marra do të shfrytëzohen për sanimin e dëmeve infrastrukturore, duke filluar nga Malësia e Bujanocit e këndej.

Shfrytëzoj rastin të falemnderoj Qeverinë e Republikës së Kosovës, kryeministrin në detyrë, deputetin e Parlamentit të Kosovës, Faton Bislimin për insistimin e tij të vazhdueshëm, si dhe një falemnderim të posaçëm për drejtorin e Thesarit të Kosovës, Ahmet Ismajli, për angazhimin e tij të pakursyer që mjetet të transferohen sa më shpejt”, ka thënë Arifi.