Fermerët e derdhin qumështin në kanalizim, s’kanë ku ta shesin

Shumë fermerë në Kosovë po e derdhin qumështin në lumë dhe kanalizim, pasi nuk po kanë se ku ta shesin atë.

Sipas Shoqatës së Qumështarëve, arsye për këtë është se fabrikat e produkteve të qumështit po e përdorin vajin e palmës dhe po marrin pak qumësht nga fermerët.

Nga të dhënat e Doganës së Kosovës në vitin 2019 janë importuar 3.4 milionë litra vaj të palmës, kurse ky import në vitin 2015 ishte vetëm 705 mijë litra, transmeton REL. /Foto arkiv nga protesta e prodhuesve të qumështit/