Gjendet i vdekur një 32-vjeçar, dyshohet se bëri vetëvrasje
Një rast mjaft i rëndë ka ndodhur pasditen e sotme në Suharekë, ku një person dyshohet të ketë kryer vetëvrasje në shtëpinë e tij.
Sinjali mëson se viktima është Ardian Tafolli, 32-vjeçar, i cili dyshohet se i dha fund jetës së tij duke u varur në litar në tavanin e shtëpisë së tij.
Lajmi u konfirmua edhe nga Policia e Kosovës ndërsa vdekja e tij u konstatua nga mjekët në vendin e ngjarjes.
Me urdhër të prokurorit kujdestar, trupi i pa jetë u dërgua në Institutin e Mjekësisë Ligjore në Prishtinë dhe hapet rasti “Hetim i vdekjes”.
