Gjendja aktuale në pikat kufitare, pritjet nga 2-10 minuta

Gjendja në pikat kufitare të Kosovës vazhdon të jetë e qetë, pa pritje të gjata për hyrje apo dalje nga vendi.

Sipas të dhënave të përditësuara nga Qendra Kombëtare për Menaxhim Kufitar, pritjet në shumicën e pikëkalimeve kufitare aktualisht variojnë nga 2 deri në 10 minuta, ndërsa qarkullimi i automjeteve po zhvillohet normalisht, shkruan Sinjali.

Kolonat e automjeteve janë të shkurtra dhe nuk janë raportuar vonesa të konsiderueshme në asnjërën prej pikave kufitare.

Edhe koha e nevojshme për përfundimin e procedurave kufitare mbetet e shkurtër, duke u mundësuar qytetarëve të kalojnë pa pengesa.