Ia huq Berisha, akuzon Ramën për cilësinë e asfaltit me fotografinë e rrugës së prishur në Malishevë

Ndërkohë që prej ditësh vendi pati disa ditë të vështira nga përmbytjet, që sollën problem në infrastrukturë, përmbytje shtëpish, të mbjellash e të tjera, ish-kryeministri Sali Berisha ka nxituar të akuzojë kreun e qeverisë Edi Rama, se pikërisht këto përmbytje nxorën në pah problemet me rrugët e ndërtuara nga qeveria socialiste, duke postuar një foto që në fakt nuk është në Shqipëri.

Duke dashur të akuzojë Ramën, Berisha ka rënë ‘pre’ e postimit të tij.

Berisha akuzoi Ramën duke publikuar një fotografi të rrugëve, që siç thotë ai është në Shqipëri, por në fakt fotografia në fjalë është e rrugëve në Kosovë, saktësisht në Malishevë.

Postimi i Berishës:

Mediat austriake publikojne foto dhe tallen me rruget e Edvin Hajdutit!
Ato asfaltohen jashte çdo standarti duke duke hedhur asfalt shkel e shko mbi, kurse fondet e shtresave nen asfalt vidhen dhe ndahen me pushtetare! Kjo eshte nje foto e publikuar ne mediat austriake. Sb.