Ndryshohen rregullat e trafikut që kanë të bëjnë me shpejtësinë dhe alkoolin
Kroacia po përgatitet t`i ndryshojë disa rregulla të trafikut, pasi nuk plani paraprak 10-vjeçar nuk i ka dhënë rezultatet e pritura.
Plani i ri Kombëtar i Sigurisë Rrugore parashikon heqjen e 10% të tolerancës për shpejtësi dhe uljen e vlerave kufitare të sasisë së lejuar të alkoolit në gjakun e shoferit, e cila tani arrin në 0.5 për milje.
Kroatët nuk janë të kënaqur me rezultatet e planit paraprak dhjetëvjeçar, qëllimi i të cilit ishte ulja e numrit të vdekjeve në rrugë me 50% në periudhën 2010-2020.
Meqë qëllimi nuk është arritur, kroatët kanë planifikuar rregulla më të rrepta që do të përfshihen në planin e ri për dekadën e ardhshme.
Dy masa dallohen dhe, nëse miratohen, ato do të prekin gjithashtu shoferët nga vendet e tjera që udhëtojnë në Kroaci, si tranzit për vendet e treta.
Njëra nga masat ka të bëjë me tolerancën e shpejtësisë, që është 10 km/orë për shpejtësi deri në 100 km/orë dhe për shpejtësi më të lartë është 10 për qind të saj, ndërsa masa tjetër ka të bëjë me nivelin e alkoolit në gjak.
