Ky ishte mesazhi i 77-vjeçarit nga Stublla, i infektuari i parë në Kosovë, pasi e mposhti virusin

77-vjeçari nga fshati Stubëll i komunës së Vitisë, më 8 prill 2020 u lirua nga Klinika Infektive pasi që e kishte mundur koronavirusin. Ai ishte rasti i parë i identifkuar me COVID-19 në Kosovë. 

Në një prononcim për televizionin Plus, që e kishte xhiruar kthimin e tij në fshatin e lindjes në Stubëll, 77-vjeçari ka falënderuar të gjithë ata që i kanë qëndruar afër dhe janë kujdesur për shëndetin e tij.

Ai është shoqëruar nga ekipi i QKMF-së në Viti, të cilet janë kujdesur për transportimin e tij deri në shtëpi.

Edhe famullitari i kishës katolike në Stubëll Don Jeton Thaqi përmes rrjeteve sociale ka falënderuar të gjithë ata që mbështeten këtë familje në momentet e vështira gjatë shërimit nga koronavirus.

Ky është postimi i bërë para një viti:

Te nderuar miq,

Siç e dijme Stublla ka qene vendi i pare i prekur me Covid-19 ne Kosove. Ne kemi pasur 7 raste qe kane rezultuar pozitiv brenda famullise dhe fshatit tone. Ne rend te pare duke ju falenderuar Zotit, pastaj vullnetit te mire te te gjitheve, sot nuk kemi me asnje rast tjeter dhe te gjithe te prekurit nga ky virus jane shendosh e mire. Perfshire ketu edhe 77 vjeqarin, personin e pare qe ka rezultuar pozitiv ne Kosove, i cili sot eshte leshuar nga spitali dhe gezon momentalisht shendet te mire.

Kjo familje gjate ketyre diteve ka kaluar momente te veshtira,por me qendrueshmeri e ka tejkalue kete sfide jo edhe aq te lehte. Per kete arsye familja deshiron te shpreh falenderimet ndaj te gjithe atyre qe iu kane dale ne ndihme: Institucioneve qendrore, atyre lokale dhe sidomos organeve te shendetesise. Familja falenderon famulline dhe fshatin ne pergjithesi per gjithe kujdesin qe e kane treguar gjate kesaj kohe. Falenderon edhe te gjithe miqt dhe dashamiret nga diaspora qe kane treguar afersine dhe interesimin e tyre.

Ne si famulli dhe si fshat i Stublles, 77 vjeqarit dhe familjes se tij, i deshirojme shendet dhe mbi te gjitha qetesi e dhashte Zoti qe per kete familje, per fshatin, per Kosoven por edhe per mbare njerezimin te kemi kohe me te mira dhe jete normale.