‘Kujtojeni babën prej aty ku jeni’ – dedikim për Kolë Berishën

Kolë Berisha, ish-kryeparlamentar i Kosovës, ka vdekur sot si pasojë e një sëmundje të rëndë.

Kolë Berisha, ish i burgosur politik, ka qenë kryetar i Kuvendit të Kosovës në periudhën 2006-2007 dhe gjithashtu edhe nënkryetar i Lidhjes Demokratike të Kosovës.

Lajmin për vdekjen e tij e ka dhënë djali Visar Berisha, përmes një postimi në “Facebook”.

Postimi i plotë i tij:

Sot heret ne mengjes na la Kolë shoqi!
Mas nje semundje te rande e kahemotshme, i mesuem mos m’u dorezu, sot baba pranoj burrnisht me iu dorezue Hyjit ne jeten e pasosun. Ma shume se dhimte, kam nje ndjenje çlirimi per trupin e tij, qe ka vuajtur kaq shume ne heshtje e pervujtshem.
Per shkak te situates se rande epidemiologjike dhe masave qe prej sot jane ne fuqi, nuk do te mund te organizojme te pame per baben.
Neser, me 30.08.2021 ne oren 11, ne Katedralen Nene Tereza ne Prishtine do te celebrohet Mesha e Drites per baben, kurse ne oren 13 do te jete vorrimi me rrethin e ngushte familjar ne vorrezat e qytetit te Prishtines.
E di, qe shume prej jush doni me qene nga afer pjese e dhimtes tone, por shendeti i juaj dhe te gjithe te tjereve ka me shume rendesi.
Kujtojeni baben e ne në lutje, prej aty ku jeni.