Ministri i Shëndetësisë ka dhënë dorëheqje (?)

Ministri i Shëndetësisë, Rifat Latifi, siç po raportohet, ka dhënë dorëheqje.

Në media dhe nga gazetarë u raportua sot se ministri i Shëndetësisë ka dhënë dorëheqje. Gazeta Express ka provuar ta konfirmojë në Qeveri dhe ministri, por s’ka marrë përgjigje.

Lajmi për dorëheqjen e tij vjen pas kritikave të vazhdueshme ndaj Ministrit, për keqmenaxhim të shëndetësisë kosovare.

Latifi u emërua ministër në nëntorin e vitit të kaluar, pasi Arben Vitia u largua nga ky post, për të garuar për kryetar të Prishtinës.

Ministri i Shëndetësisë është kirug që ka vepruar për shumë vjet në Shtetet e Bashkuara të Amerikës.