Mjeku shqiptar në SHBA nuk beson që virusi u krijua nga dora e njeriut

Mjeku shqiptar në SHBA, Skënder Murtezani ka folur rreth dyshimeve mbi origjinën e koronavirusit, ku opinioni është i ndarë.

Në një lidhje me Skype për “Abc-ja e mëngjesit”, mjeku tha se nuk beson që virusi mund të jetë krijuar nga dora njerëzore.

Ai thotë se virusi mund të ketë dalë nga laboratori po kjo nuk do të thotë se është ndërtuar nga dora e njeriut. “Nuk është dhe aq shkencore por është një fakt i zhvillimit të pandemive në botë. Kemi murtajën, koleren, gripin spanjoll në 1920, dhe koronavirusin në 2020.

Është një rregull biologjik apo koeicidencë nuk e di por laboratorët punojnë në këtë drejtim. Këta janë faktet e kohës, por është një e vërtetë.”, tha Myrtezani. “Një shkencëtar kinez tha se mund të ketë dalë nga laboratori po kjo nuk do të thotë se është ndërtuar nga dora e njeriut.”, shtoi më tej mjeku.