Në Gjilan digjen katër hektarë pyje nga persona të pandërgjegjshëm

Në Gjilan ditëve të fundit persona të pandërgjegjshëm kanë ndezur pyjet në fshatrat Pogragjë, Ponesh, Gadish e Lipovicë, raporton gazeta online Mediafokus.info.

Si pasojë e kësaj, janë djegur katër hektarë pyje.

Komandanti i Njësitit të Zjarrfikësve në Gjilan, Rabit Murseli, ka thënë për Mediafokus.info se ekipet e tyre kanë intervenuar me të marrë informaten, duke e lokalizuar zjarret.

Ndërkohë, nënkryetari i Gjilanit, Arbër Ismajli, u ka bërë apel qytetarëve që të mos ndezin zjarre, duke thënë se kjo vepër sanksionohet ashpër sipas ligjeve në fuqi.

Deri tani, nuk është raportuar për të arrestuar. /Mediafokus.info/