Nga 15 korriku nisin fluturimet në aeroportin e Kukësit, Rama publikon çmimet e biletave

Kryeministri Edi Rama publikoi në faqen e tij në Facebook çmimet e biletave për disa udhëtime ajrore nga Aeroporti i Kukësit, që nisin zyrtarisht më 15 korrik.

Sipas kryeministrit, një biletë për linjën Kukës – Zyrih do të kushtojë 12 euro, Zyrih – Kukës 28,66 euro, Kukës – Stamboll 12 euro dhe Stamboll – Kukës 23 euro.

“Se ç’ishin ca miq që thoshin Aeroporti Ndërkombëtar i Kukësit ishte sa për fushatë, po unë s’bëj asgjë sa për fushatë dhe çfarë bëj e them e çfarë them e bëj, kështu që bujrum në portën e hapur të qiellit të Kukësit”, shkroi Rama në Facebook.