Nga sot, pa maska pas një viti e më shumë

Nga sot bartja e maskës nuk do të jetë e obligueshme për qytetarët e Kosovës, nëse ata ecin vetëm rrugës. Megjithatë, duket se kjo tashmë është bërë shprehi dhe një numër qytetarësh kanë vazhduar t’i mbajnë maskat.

Nga ky detyrim do të lirohen personat të cilët ecim vetëm në ambiente të hapura, gjatë vrapit, çiklimit dhe ngasjes së automjetit me brenda jo më shumë se katër vetë.

Megjithatë maska do të jetë e obligueshme për dy e më shumë persona dhe në ambiente të mbyllura.

Nga sot qytetarët mund edhe të dalin pas orës 22:30 meqë s’do të ketë orë policore, por nga mesnata e deri në orën 05:00 të mëngjesit nuk lejohet grumbullimi i më shumë se dhjetë vetave.

Gastronomia do të punojë deri në orën 23:00, por muzika duhet të ndalet 15 minuta më herët.