Një 53-vjeçar gjendet pa shenja jete

Një person i moshës 53-vjeçe është gjetur pa shenja jete. Burime të “Panorama.al” bëjnë të ditur se trupi i pajetë është i Hekuran Gjokës, i cili është gjetur në lagjen nr.1 të qytetit në Sarandë.

Policia ka shkuar menjëherë në vendin e ngjarjes dhe po punon për zbardhjen e shkaqeve të vdekjes.

Viktima është banor i fshatit Vane në Delvinë dhe nga këqyrja e trupit rezulton që nuk ka shenjë dhune.

Ndërkohë trupi i viktimës është transportuar për në morgun e spitalit të qytetit.